Praveen Pal - Sound of Silence

Zero vs Infinity

Sbhi dosto ko Praveen Pal ki or se ye shandaar din mubarak ho. Waise to main Graphic & Web Designer hoon per mujhe Blog per samay bitana achaa lagta hai. Aaj ke blog main hum baat karne ja rhe hai us cheej ki jiski kami aksar hume noton main mahsus hoti hai or pariksha main jise pakar aksar hum dhukhi hote hai. Ji ha aapne shi pahchana ye whi zero hai jo hamesha se vidhyarthiyo ke liye virodhabhas ka kam kerta hai.

Per kya sach main ye zero itna bura hai ya fir is zero ke prti hamari soch hi galat hai. Baat jo bhi ho per ek ank ko hum apni jindgi ka nirnaya kaise lene de sakte hain. Sirf pariksha main zero aane ya jiwan main ek nakamyabi se hum apni pehchan to nhi kho dete. Or jab hame hamari mehnat ka fal zero hi mila hai to uska bhi pura lutf uthana chahiye. Or yhi mere is blog ka maksad hai ki hum apni her parishithiyon ko jinhe hum aksar bhul jana chahte hai, unhe bhi anya achche palon ki tarah mahsus kren.

Yha hum ganit wale zero ki hi baat nhi kar rhe balki yha zero hamare sabhi nakaratmak paristhitiyon ke liye prtik chihn hai. Akasar hum safalta ya or dusre sakaratmak pahluon ki hi baat kerte hai jabki sabhi vo nakaratmak shabd bhi kahi na kahi humse jude hue hain. Kyon hum her baar achchai ki ya fir kamyabi ka chola pehnne ki koshish kerte hain. Kyon chipa lete hain hum apne aap ko, or kyon hmen itni sahj lagti hai. Kya andhe hai hum ya fir ye bhi ek dikhawa hai. Chlo maan lete hai ki hum kamyab bhi ho jaten hai apne aap ko bebuniyad sabit karne main, par wo aayina to sab jan jata hai na jo hamari hi chhaya hai.

Jab kamyabi aasani se mil jaye to wyakti uski kadr nhi kar pata or ahankar ko pyara ho jata hai. Lekin agar whi safalta kuch pryaso ke baad milti hai to hme shi mayno me safalta ka swad mil pata hai. Ha is baat se me ye nhi sidh krna chahta ki pahli baar me safalta pane wale log doshi hote hain, balki doshi wo pristhitiyan hoti hai jinke chlte wo kamyab hota hai. Asal me hamara jiwan sirf kamyabi or nakamyabi tak hi simit nhi hai. Hmare jiwan me hamari kalpanayen bhi hai jinhen hum apni dinchrya me jagah nhi dete hain. Par hamare jiwan ke anubhav bhi kahi na kahi inhi se prerit hain, jise hum apne pure jiwan me nhi jaan pate.

Agar hum apni puri duniya ko smetne ki koshis kre to sab kuch isi zero me sma sakta hai. Ha wahi zero jise hum apni duniya ki kamyabi ki diwar maante hain asal me wo to kuch hai bhi nhi or rahi baat kamyabi ki diwaar ki to wo hamari jang lagi soch hoti hai, Jiski kartooton ka matka hum is zero par phod dete hain, Or ab ye baat sirf safalta ya asfalta ki nhi rah gyi hai, ab baat hai hmare aatmsmmaan ki.

Doston ab tak hamne baat ki Zero ki or ab hum baat kerte hai isi se jude ek pehloun ki jo khi na khi is Zero ka hall hai. Vo pahloun hai Annant! yani Infinety, ji ha Annant. Kyo ki annant hi hai jo is Zero jese arthhin avsaad jad se ukhad phek sakta hai. Dekha jaye to annant ki sanrachna bhi Zero se hi banti hai. Yani agar hamari duniya Zero ki tarhe arthhin ho chuki hai to, viran ho chuki hai, to ye hamari sabse badi bhool hai. Kyoki ye to ek suruaat hai ek Annant ki, ek Kamiyabi ki Kalpna ki nyi suruaat hai.

Kyo ki whi vayakti safalta ki charam sima tak pahuch sakta hai jisme kathin paristithiyon ko jhel lene ki samta hoti hai. Jo apno ko sath leker chlata hai akasar whi manushye kathinaiyo se paar pa sakta hai. Fir kyo na ye takat use unhi kathinaiyo se mili ho. Sochne wali baat to ye hai ki Zero(Jivan ka Andiyara) hi hame Annant parkash ki or le jata hai. Per kese? Aap main se jyadater longo ka yhi agla pershan hoga to ligiye. Hum hindi ki ek khavat ko dekhte ha k "Jake pavn na phti bivai, wo kya jane peer prayi" . Ye khavat hamare is pershan ka sidha sa jwab hai kyon ki jab tak kisi insan ka samna ek buri haar se na hua ho tab tak wo ek badi jeet ka khaab nhi dekh sakta. Whi baat yha lagu hoti hai kyoki Zero hi Annant ki prerna hai, jo hame hame hmare maksad se jode rekhti hai.

Ye prerna hamin hmare path se bathkne se rokti hai. Lekin kuch log ese hote hain jo ki ye bhali bati jante hai ki Zero hi Annant ka beej hai. Phir bhi wo apne aap ko is daldal se kbhi nhi nikal pate. Or ye samsya hum main se jadater logo ki hoti hai. Is isthi main hume humari manjil ki shi-shi pehchan hoti hai, per hum apne aap ko lachar sa mahsus kerte hai. Bilkul usi thre se jaise ek kova matke ke nicle tal se pani nhi pi pata. Per is kahani ke ant mai wo kova to safal ho jata hai per hum bhudhiman manav whi ke whi reh jate hai. Kahte hai ki pani ke liye pyas or sirf pyas ki hai jarurat hoti hai. Us isththi main agar hum apne aatam vishwas ka pryog ker ke samsya se chootkara pa sakte hai. Or koi kisi karan vash us sththi main kuch acha na ker paya ho to fir vhi manodasha wapas se Zero banker humare ander ek nyi prerna jagrat karti hai.

Agar jarurat hai to bas us prerna ko pehchnne ki. Or kaam to hume hi kerna hai. Pehli baar main Zero milne per hume lagatar pryas kerte rehna chaiye jab tak hum humare Annant lakshy tak nhi phuch jate. Ek chooti si chitti bhi sekdoon peryaso ke baad hi apni manjil tak pahuch pati h Itihas gva rha hai ki jokhim lene ki himmat rekhne vale log hi aksak kamiyab hote hai.

Ab dekhna ye hai ki kabtak hum khud ko khud se chipate hai or kab apni hakikat ko apnate hai.
Fir kyo na hum her us zero ko tahye dil se apnaye or bahein khol ker unka swagat kre.
Kyonki mera manna hai ki yhi do zero ek din aanant ka roop le lete hai.
To sochte rehiye, mje ligiye... jald milte hai ek nyi samsya or ek nye blog ke sath.

So that's all for now, time to sign out.

Thank you for taking your precious time to read this blog.

Stay tuned with

Sound of Silence

for more passionate Art Works from me

Follow me on:

Google Plus
Follow my blog with Bloglovin

and please do visit: